🇮🇳🌳 स्वातंत्र्य दिनाचा ऐतिहासिक सोहळा आणि हरित क्रांतीचा संकल्प! आडगाव राजा नगरीत “एक लक्ष्य – वृक्षलागवडीचा, एक वचन – वृक्षसंवर्धनाचा” महाअभियान दणक्यात पार; मान्यवरांचा उत्स्फूर्त सहभाग 🌳🇮🇳

सिंदखेड राजा (प्रतिनिधी) –
ऐतिहासिक राजे लखुजीराव जाधव यांच्या संस्कारभूमी, सांस्कृतिक वारसा आणि देशभक्तीचा झेंडा उंचावणाऱ्या आडगाव राजा नगरीत यंदाचा स्वातंत्र्य दिन फक्त ध्वजारोहणापुरता मर्यादित राहिला नाही… तर हरित क्रांतीचा प्रत्यक्ष संकल्प संपूर्ण गावाने उचलला! “करू रक्षण झाडाचे – साधेल कल्याण मानवाचे” या घोषवाक्याखाली “वृक्षारोपण महाअभियान” दणक्यात पार पडले.

15 ऑगस्ट 2025, शुक्रवार –
🌿 सकाळी 8.00 वाजता ग्रामपंचायत कार्यालवयावर सरपंच सौ. रंजना संतोष चव्हाण यांच्या हस्ते ध्वजारोहण
🌿 सकाळी 8.30 वाजता जिल्हा परिषद शाळेत शाळा समिती अध्यक्षा सौ. अरुणा निलेश शिनगारे यांच्या हस्ते ध्वजारोहण
🌿 जिजामाता विद्यालय येथे सामाजिक कार्यकर्ते रुस्तुमराव झोरे यांच्या हस्ते ध्वजारोहण

यांनंतर श्री रेणुका देवी संस्थान, जिल्हा परिषद शाळा, जिजामाता विद्यालय, प्राथमिक आरोग्य केंद्र, आडगाव राजा या पाच महत्त्वाच्या ठिकाणी वृक्षारोपण करून हरित संदेशाचा ठसा उमटवण्यात आला.

तसेच, ग्रामपंचायतीतर्फे जिल्हा परिषद शाळेला साहित्य व  अंगणवाडीतील लहान बालकांना ड्रेस, पुस्तके आणि पाट्या यांचे वाटप सरपंच सौ. रंजना संतोष चव्हाण,ग्रामविकास अधिकारी जगन्नाथ नागरे, उपसरपंच सौ. गंगुबाई रुस्तुमराव झोरे आणि सर्व ग्रामपंचायत सदस्यांच्या हस्ते करण्यात आले.

युवा कार्यकर्ते विकास कहाळे व ग्रामपंचायत सदस्य श्याम काळे यांच्या वतीने शालेय विद्यार्थ्यांना पेन व पेन्सिल चे वाटप करण्यात आले
यावेळी
मान्यवरांची उपस्थिती आणि मार्गदर्शन:

सौ. रंजना संतोष चव्हाण – सरपंच

सौ. गंगुबाई रुस्तुमराव झोरे – उपसरपंच

मा. भास्कर गिरी – ग्राम महसूल अधिकारी

मा. प्रशांत ठाकरे – मुख्याध्यापक, जिजामाता विद्यालय

सौ. अरुणा निलेश शिनगारे – शाळा समिती अध्यक्षा

मा. चक्रधर खेर्डे – रोप लागवड अधिकारी

मा. डॉ. विजय शिपे – वैद्यकीय अधिकारी

सामाजिक वनीकरण विभागाचे

गणेश मिसाळ, वाघ मॅडम, शिवरकर ,कुरंगळ – सामाजिक वनीकरण विभाग

संजय कहाळे – तंटा मुक्त समिती अध्यक्ष

गावातील नागरिक – मोठ्या संख्येने उपस्थित

या प्रसंगी श्रीमंत राजे लखुजीराव जाधवराव गड किल्ले ऐतिहासिक वास्तू संवर्धन प्रतिष्ठान तर्फे अतिश राजे जाधव यांनी सर्व मान्यवरांचा शाल-श्रीफळ देऊन गौरव केला.

या भव्य उपक्रमाचे आयोजन श्रीमंत राजे लखुजीराव जाधवराव गड किल्ले ऐतिहासिक वास्तू संवर्धन प्रतिष्ठान, ग्रामपंचायत कार्यालय, आणि ग्रामस्थ यांनी संयुक्तपणे केले.
स्वातंत्र्याचा सण हरित संकल्पाने सजवून आडगाव राजा नगरीने देशभक्तीबरोबरच पर्यावरणप्रेमाचे नवे उदाहरण निर्माण केले.

🌱 “एक लक्ष्य – वृक्षलागवड, एक वचन – वृक्षसंवर्धन” 🌱